بقلم : حسن البرارحي زجال الغرب 

الانتحار


ف سيدي يحي كثر الانتحار

البارح جوج مابين ليلة ونهار

واحد حوات والتاني كزار

ف السن مازال صغار

الكراز شنق راسو ف الدار

الحوات قطع الشرايين مات ف سبيطار

راجعوا نفوسكم شبابنا ف خطر

دمرهم الزلط كملها القرقوبي والريكار

عيب وعار ب الاجرام عمر سبيطار

ضرب السيوفا الفوضى ليل ونهار

قلة لخدمة لحرفة شفار

واش حنا مسلمين ولا كفار

الله حرم ف الاسلام الانتحار

عييت نكتب ونضم لشعار

شكون سمع كلامي ولا تسوق لخبار

هجروا الجامع السكنى ف لبار

الراجل يزني مع مرات الجار

عاقبنا على افعالنا الواحد القهار

ها مرض السيدا ها الانتحار

كثر ل فساد ف لبلاد شكون يغار

لمرا تخدم الراجل كالس ف الدار

فين نخوة لمغاربة ل حرار

جاع لدهم شبع الكيدار

ف لعشرة بنادم من طبعو غدار

جاعت الخيل حرموها من الصهيل

لبركي ف السربة رجع دليل

ف لقهاوي القال والقيل

صاحب الحق قالوا عليه هبيل

هاد الزمان صعيب خويا الحبيب

المصلحة ف الجيب

قهرتني لمرا ب سير جيب

خوات البوطا لاتنسى لحليب

ب قلة الشي راسي ناض فيه الشيب

ف بلادي رجعت غريب

ولد النعجة كلاه الذيب

صابني الزهايمر خاصني نشوف الطبيب

بلاد الجديدة كلشي سميتو بوشعيب

ياربي نجينا من ل مصايب.......................................

زجال الغرب

حسن البرارحي

سيدي يحي الغرب